Schacher Seppeli

Text und Musik Ruedi Rymann

 

1. I bi dr Schacher Seppeli,

im ganze Land bekannt.

Bi friäner s'flottischt Bürschtli gsi,

jetzt bin i e Vagant.

Bi z'fride wenn i z'Nacht im Stroh

am Tag mis Schnäpsli ha.

Und wenn dr Herrgott G'sundheit schänkt,

s'isch alls was bruichsch, ja, ja.

 

2. S'gat uf der Wält gar artig zio,

i has scho mängisch gse.

Dass d'Lüt wäg däm verfliochte Gäld

enand tüend schüli weh.

Wie schön chönt's doch hiä unä si.

Der Vogel ufem Boim

er singt chum liog dis Ländli a,

diä Schwyz isch doch e Troim.

 

3. S'isch mänge hüt e riche Ma,

doch morn isch's leider so,

er stirbt und mioss sis liebi Gäld

ja all's hie unä la.

Mä treid ä ufe Chilehof

grad näbe ärmste Ma.

E jede mioss as glich Ort hie,

s'isch sicher wahr, ja, ja.

 

4. Wie gleitig gad die Zit verbi,

es Jährli und nu eis.

Es dunkt eim, sett nid meglich si,

bald bin i scho e Greis.

Und chumm i de vor d'Himmelstür,

und wott ich inä ga,

so riäfen i: Hei Peterus

dr Schacher Sepp isch da.

 

5. Und chumm i de vor d'Himmeltür

stad breit dr Petrus da.

Er reift miär zio: Hei sali Sepp

bisch du nu oi scho da.

Chum nume ine, chum und leg

dis Himmelsgwändli a.

[: Die arme und verlass'ne Lüt

miend's scheen im Himmel ha:]